Rauðsgil

Mæting kl. 10 við malarnámuna í Steindórsstaðalandi. Gengið upp með gilinu að vestanverðu. Margir fallegir fossar eru á leiðinni og leiðin liggur að Tröllafossi. Þetta er ferð til að njóta fegurðar gilsins og gróðursins. Gangan í heild (fram og til baka) er um 9 km og hækkun 235 m.

Ganga við allra hæfi til að njóta þessarar perlu í uppsveitinni. Muna nesti og klæðnað í takt við veður.
Göngustjóri: Ingibjörg Inga Guðmundsdóttir.

Á Rauðsgili fæddist Jón Helgason og vert er að rifja upp eitt af hans þekktari ljóðum „Á Rauðsgili“.