Aðventuganga
Gönguferð innanbæjar í Borgarnesi með jólalegu ívafi á fyrsta sunnudegi í aðventu.
Hittumst á planinu hjá Vírnet kl. 14 og göngum upp í Bjargsland. Röltum upp á vatnstankinn og skoðum útsýnið áður en við höldum niður í bæ eftir göngustígum við Borgarvoginn. Stefnum svo út í Brákarey og þaðan eftir göngustíg meðfram sjónum yfir á Bjarnarbraut. Kíkjum kannski aðeins við á sýningu í Safnahúsinu og endum svo göngusamveruna í Skallagrímsgarðinum og skoðum jólaljósin og dönsum kringum jólatréð.
Gangan er um 6 km. löng.
Seinni hluta ársins verður boðið uppá fjölbreyttar ferðir, s.s. blandaða jeppa- og gönguferð, hjólaferð, hellaferð, haustlitaferð, jógaferð og aðventuferð.
Þessar ferðir verða auglýstar í viðburðum á fb og settar á heimasíðuna þegar nær dregur.
Stefnt er á að bjóða uppá ferðir á Eiríksjökul og Baulu. Þessar ferðir eru háðar veðri og ákveðnar með stuttum fyrirvara. Áhugasamir skrái sig með netpósti til ffb@ffb.is.
Fylgist með á Facebook og á heimasíðu félagsins.
Athugið: Ferðafélag Borgarfjarðarhéraðs tryggir hvorki þátttakendur í ferðum né farangur þeirra.
Þátttakendur ferðast á áfangastaði á eigin vegum og á eigin ábyrgð.
Félagið hvetur fólk til að kaupa ferða- og slysatryggingu.
![QR Code](https://ffb.is/wp-content/uploads/mec/qr_4196a62568be9974457877a940a856d2.png)