Barnaganga og gleði í Einkunnum
Mæting á bílastæðinu í Einkunnum kl. 13.
Gangan hæfir öllum, en ýmis verkefni þarf að leysa á leiðinni. Við hvetjum pabba, mömmur, afa og ömmur til að bregða á leik með börnunum. Hver veit nema einhverjar veitingar verði í boði í göngulok.
Það er bleyta sumstaðar á stígunum svo við mælum með vatnsheldum skóm eða stígvélum og minnum fólk á að klæða sig eftir veðri.
Seinni hluta ársins verður boðið uppá fjölbreyttar ferðir, s.s. blandaða jeppa- og gönguferð, hjólaferð, hellaferð, haustlitaferð, jógaferð og aðventuferð.
Þessar ferðir verða auglýstar í viðburðum á fb og settar á heimasíðuna þegar nær dregur.
Stefnt er á að bjóða uppá ferðir á Eiríksjökul og Baulu. Þessar ferðir eru háðar veðri og ákveðnar með stuttum fyrirvara. Áhugasamir skrái sig með netpósti til ffb@ffb.is.
Fylgist með á Facebook og á heimasíðu félagsins.
Athugið: Ferðafélag Borgarfjarðarhéraðs tryggir hvorki þátttakendur í ferðum né farangur þeirra.
Þátttakendur ferðast á áfangastaði á eigin vegum og á eigin ábyrgð.
Félagið hvetur fólk til að kaupa ferða- og slysatryggingu.