Fjöruferð undir Melabakka – 1 skór
Mæting kl. 15 á Súlunesi (ATH breytta tímasetningu). Þar hittum við leiðsögumann, þjöppum okkur í bíla og ökum að Belgsholti. Skiljum eftir nógu marga bíla til að ferja bílstjóra að Belgsholti í göngulok. Við göngum svo undir bökkunum frá Belgsholti að Súlunesi og skoðum margt spennandi í fjörunni. Létt ferð, sem tilvalið er að taka börnin með í.
Seinni hluta ársins verður boðið uppá fjölbreyttar ferðir, s.s. blandaða jeppa- og gönguferð, hjólaferð, hellaferð, haustlitaferð, jógaferð og aðventuferð.
Þessar ferðir verða auglýstar í viðburðum á fb og settar á heimasíðuna þegar nær dregur.
Stefnt er á að bjóða uppá ferðir á Eiríksjökul og Baulu. Þessar ferðir eru háðar veðri og ákveðnar með stuttum fyrirvara. Áhugasamir skrái sig með netpósti til ffb@ffb.is.
Fylgist með á Facebook og á heimasíðu félagsins.
Athugið: Ferðafélag Borgarfjarðarhéraðs tryggir hvorki þátttakendur í ferðum né farangur þeirra.
Þátttakendur ferðast á áfangastaði á eigin vegum og á eigin ábyrgð.
Félagið hvetur fólk til að kaupa ferða- og slysatryggingu.
